Mañá, ás 11,00hrs, no Clube Internacional de Prensa (Santiago de Compostela), presentarase en rolda de prensa o asinamento do convenio de colaboración entre o Sindicato Labrego Galego – Comisións Labregas e a Fundación para o Avance Científico da Veterinaria en Galicia (ACIVEGA).

Este Convenio ten como obxectivo establecer o marco de relacións de colaboración e traballo conxunto entre ambas entidades en todas as áreas de actuación nas que as dúas partes conflúan.

Entre as actuacións comprendidas no marco do presente Convenio poden citarse as seguintes:

-Accións formativas.

-Accións informativas e divulgativas.

-Prestación de servizos.

-Publicación de textos.

-Presentación de propostas comúns diante das Administracións públicas e entidades privadas.

Esta enumeración de actuacións non pretende ser limitativa e está aberta a calquera tipo de actuacións no que ambas as partes estean de acordo e teñan que ver cos seus fins.