Cun pouquiño de atraso e algo magro en páxinas debido ás recentes vacacións estivais, vén de saír o #Fouce327 á rúa. Nel atoparás unha reportaxe sobre o que deu de si o encontro entre o Sindicato Labrego Galego e a presidenta da Inlac, Charo Arredondo, con entrevista incluída.

Tamén afondamos nas críticas da plataforma Por un monte galego con futuro ás políticas forestais e de prevención de lumes da Xunta ou na semana de mobilizacións na Galiza diante da situación de emerxencia climática. Precisamente, o editorial fala de cambio climático e do que se nos vén enriba. Destas e doutras cuestións poderás ler no último número do noso voceiro. Podes descargalo na icona que atoparás no remate desta páxina. A que agardas?