En vista de que o Concello de Melide é incapaz de sentir a máis mínima empatía pola cidadanía e polos labregos e labregas que dan vida ao mercado alimentario dominical na vila -prohibido unha vez máis coa escusa da Covid-19-, e sabendo que o peche desta forma de compravenda de alimentos incrementa a posibilidade de contaxios entre a poboación, dende o Sindicato Labrego Galego convocamos unha concentración para esixir a súa reapertura inmediata.

O acto de protesta será este domingo, 24 de xaneiro, ás 11:30 na praza do Convento, e nel respectaranse todos os protocolos sanitarios esixidos polas autoridades para evitar a expansión da pandemia.

Se queres coñecer os motivos desta acción de protesta, podes consultar os seguintes comunicados publicados días atrás:

• O SLG prepara protestas para denunciar a prohibición de mercados labregos nalgúns concellos pola Covid-19

• O Concello de Melide reincide no peche do mercado labrego aumentando o risco de contaxio na poboación