Ás 12:30 desta mañá gandeiras e gandeiros de Betanzos e Teixeiro xuntáronse  nunha leira ubicada no cruce da N-VI en Montesalgueiro (concello de Aranga, comarca Betanzos), para levar adiante unha nova acción reivindicativa co gallo de seguir mantendo a atención sobor da grave crise que está a esnaquizar a espiña dorsal que vertebra o rural deste país: as explotacións leiteiras.

Coa vista posta no vindeiro luns día 5, no que terá lugar un cumio extraordinario de ministras e ministros de agricultura europeos en Bruxelas, o sector loita por manter a presión social co obxectivo de que nesta reunión a nosa ministra de agricultura defenda unha posición que signifique dar solucións ás demandas do sector produtor europeo:

• Prezo mínimo para o leite que cubra custos de produción e remunere o noso traballo,

• A redución da produción para equilibrar produción e demanda,

• A redistribución da cota global europea en base a criterios sociais,

• O mantemento de mecanismos de control da produción.

Nesta mobilización participaron aproximadamente 400 explotacións dos concellos de Sobrado, Curtis-Teixeiro, Vilasantar, Cesuras, Irixoa, Paderne, Vilarmaior, Monfero, Oza e Mesía, que aportaron un total de 90.000litros de leite, transportado en 11cisternas.

 Vídeos das mobilizacións:

Saída cisternas
http://www.youtube.com/watch?v=hxNlFwi14ws