"Non imos parar" A secretaria xeral do SLG, Carme Freire Cruces, no marco da rolda de prensa conxunta celebrada na mañá de hoxe en Compostela, anunciou a posta en marcha dun novo calendario de mobilizacións entre as que se inclúe a realización dunha tractorada nacional, con expectativas a converterse en estatal, para o vindeiro 28 de maio.

Perante da carencia dunha resposta por parte do Ministerio de Medio Ambiente, Medio Rural e Mariño, malia térmonos reunido o pasado 16 de abril en Madrid coa Secretaria Xeral de Medio Rural, Alicia Villauriz,  as tres organizacións sindicais agrarias e as cooperativas da Galiza anunciaron na maña de hoxe un novo calendario de mobilizacións.

 O oito de maio terá lugar unha xornada de accións en todas as cabeceiras de comarca, coa que se visualizaremos  que o sector lácteo é a espiña dorsal do rural galego, e que a situación extrema pola que pasa arestora  afecta a tódolos ámbitos profesionais e de calidade de vida do medio rural do país.

Ao igual que o apoio manifestado polos locais comerciais vinculados ao sector agrario, a rede de servizos públicos rurais e mesmo representantes de distintas forzas políticas, estas concentracións/paradas de actividade teñen o obxectivo de amosar a unidade da cidadanía galega, nomeadamente do medio rural, perante da grave problemática que asolaga ao sector leiteiro.

 Se non obtemos respostas, os sindicatos agrarios e cooperativas botaranse á rúa o vindeiro 28 de maio nunha tractorada nacional que mesmo podería chegar a adquirir dimensións estatais.

vídeo: http://www.anosaterra.org/nova/sindicatos-e-cooperativas-lacteas-convocan-novas-protestas.html

 Voceira e voceiros das tres organizacións agrarias e cooperativas na rolda desta mañá en Compostela.